Ассошиэйтед Пресс болон Франсс Пресс агентлагуудын орон нутгийн цагаар 22-ны өдөр мэдээлснээр, Герман улсын зүгээс ОХУ -ын эсрэг хориг арга хэмжээ авч "Умардын урсгал-2" хийн хоолойн төслийн үйл явцыг зогсоох болсноо мэдэгдлээ.

Германы канцлер Олаф Шольц мөн өдөр сэтгүүлчдэд хандан, ОХУ-ын талаас сүүлийн өдрүүдэд Украинд явуулж буй үйл ажиллагааны хариуд "Умардын урсгал-2" төслийн зөвшөөрөл олгох явцыг зогсоож буйгаа цохон тэмдэглэв.

Тус хийн хоолой нь 1230 километр урттай ба Оросоос Балтийн тэнгисийн ёроолоор дамжин Герман хүрдэг юм.

Нефть болон байгалийн хийн салбар импортоос бүрэн хамааралтай байдаг Герман улс нь байгалийн хийг харьцангуй хямд үнээр авах зорилгоор энэхүү төслийг 2012 онд эхлүүлж өнгөрсөн 9-р сард бүтээн байгуулалтын ажил дуусаад байсан хэдий ч өдийг хүртэл зөвшөөрөл олгох явц шийдэгдээгүй хүлээлтийн байдалтай байсан юм.

Эх сурвалж: MBC