Германы автомашин үйлдвэрлэгч Volkswagen компани нь өөрийн харьяаны спорт автомашины брэнд болох Porsche-г олон нийтэд нээлттэй болгож IPO зарлахаар шийджээ.
Уолл Стрит Журнал сонины орон нутгийн цагаар 22-ны өдөр мэдээлснээр, Volkswagen Компани өөрийн эзэмшлийн Porsche Automobile Holdings SE-тэй IPO хийх тохиролцоонд хүрсэн ба хоёр талаас баталгаажуулах үйл явц үлдээд байгаа талаар мэдэгджээ. Энэхүү мэдэгдлийн дараа Украйны хямралтай холбогдуулан Volkswagen компанийн хувьцаа долоон хувиар өсч 187.94 еврод хүрч хаагдсан байна.
Volkswagen компанийн зүгээс IPO хийн босгосон хөрөнгөө цахилгаан автомашины хувиргалт, бие даасан жолоодлогын технологи, цахилгаан автомашины батарейг хөгжүүлэхэд зарцуулахаар төлөвлөж байгаа аж.
Өнгөрсөн оны есдүгээр сарын байдлаар Porsche нь Volkswagen-ийн нийт ашгийн 34 хувийг бүрдүүлснээр барахгүй өнгөрсөн онд 301,915 автомашин борлуулж түүхэн дээд амжилтыг үзүүлсэн байна.
Дэлхийн автомашин үйлдвэрлэгчид Тesla компаниас санаа өөрсдийн бизнесийн үнэлгээгээ өсгөхийн тулд сүүлийн үед цахилгаан машин, шинэ технологид анхаарлаа хандуулах болоод байгаа билээ.
Mercedes-Benz компанийн хувьд дээд зэрэглэлийн цахилгаан автомашинд чиглэсэн стратегийг өөрийн хөрөнгө оруулагчиддаа онцлон танилцуулсан бөгөөд тус компанийн хувьцааны үнэ энэ жил л гэхэд 9 хувиар өсөөд байна.
Эх сурвалж: Newsis