ОХУ Украин улстай дайтаж байгаа энэ үед томоохон компаниуд Орос улсад үйл ажиллагаагаа зогсоох болжээ.

Улмаар даваа гарагт Фокс Бизнес сувгаас мэдээлснээр, Америкийн машин үйлдвэрлэгч, Женерал Моторс компани ОХУ руу машинаа экспортлохоо больсон байна. Компанийн мэдээлснээр, экспортыг хэдий хэр хугацаанд зогсоох нь тодорхойгүй юм.

Мөн Волво карс, Сканиа, Эрикссон зэрэг Европ тивдээ томоохон байр суурь эзэлдэг компаниуд ч Орос улсад үйл ажиллагаа явуулахаа больсон байна.

Харин гэр ахуйн барааны дэлгүүр ИКЕА ОХУ дахь салбараа нээлттэй орхиж, Украин дахь дэлгүүрүүдээ хаасан байна. Тэдний мэдэгдсэнээр, “Бид Украин дахь ажилчдынхаа аюулгүй байдалд баталгаа өгч чадахааргүй нөхцөл байдал үүссэн тул тус улс дахь салбар дэлгүүрүүдийнхээ үүдийг барьсан. ОХУ-д манай дэлгүүрүүд хэвийн ажиллаж байгаа. Гэсэн ч нөхцөл байдлыг ойроос ажиглаж байна” хэмээжээ.

Эх сурвалж: ТАСС