Европын Хөл бөмбөгийн холбооноос даваа гарагт мэдээлснээр, тэд ОХУ-ын байгалийн хийн томоохон үйлдвэрлэгч Газпромтой хамтын ажиллагаагаа дуусгавар болгохоор шийдвэрлэжээ.

Тэдний мэдэгдсэнээр, “Бидний гаргасан шийдвэр нэн даруй хүчинтэй болох бөгөөд Европын Хөл бөмбөгийн холбооны аваргуудын лиг, шигшээ багуудын тоглолт, ЕВРО 2024 зэрэг бүх тоглолтын хүрээнд хүчин төгөлдөр үйлчилнэ” хэмээсэн юм.

Газпромын хувьд 2012 онд Европын Хөл бөмбөгийн холбоотой хамтран ажиллаж, ивээн тэтгэгчээр ажиллах болсон бөгөөд 2021 онд хамтын гэрээгээ шинэчилж, 2024 он хүртэл сунгасан байжээ. Харамсалтай нь Европын Хөл бөмбөгийн холбооноос ийнхүү хамтын ажиллагааны гэрээгээ дуусгавар болгож байгаа .

Түүнчлэн дан ганц Европын Хөл бөмбөгийн холбоогоор зогсохгүй ХБНГУ-ын Шальке клуб ч мөн Газпромтой хамтран ажиллахаа зогсоожээ. Шальке клубийн хувьд 2007 оноос хойш Газпромтой хамтран ажиллаж, тэд хамгийн том ивээн тэтгэгч нь байсан юм.

Эх сурвалж: ТАСС