Google-ийн охин компани болох YouTube орон нутгийн цагаар 1-ний өдөр ОХУ-ын төрийн өргөн нэвтрүүлгийн Russia Today (RT) болон мэдээллийн Sputnik агентлагийн сувгийг Европ тивийн бүс нутагт хаах болсноо зарлалаа.

Үүнээс ердөө нэгхэн хоногийн өмнө нийгмийн сүлжээний Facebook платформ ч Европын холбооны газар нутагт Russia Today болон Sputnik агентлагуудын контентыг хаахаар болоод байсан юм.

Нэмж дурдахад Британийн засгийн газрын харьяа Өргөн нэвтрүүлгийн зохицуулагч байгууллага болох Ofcom нь Russia Today-ийн олон нийтэд хүргэсэн худал мэдээлэлд хяналт тавин шалгалтын үйл ажиллагааг эрчимжүүлж байгаа аж.

Европын Комиссын тэргүүн Урсула фон дер Лейен "”Кремлийн хэвлэл мэдээллийн машин"-ыг хориглоно” хэмээн өмнө нь дурдаж байсанчлан Russia Today болон Sputnik, мөн бусад хэвлэл мэдээллийн байгууллагууд ч Путины дайныг зөвтгөх худал мэдээлэлийг түгээж, манай эвслийг хагаралдуулах боломж олгохгүй” хэмээн цохон тэмдэглэжээ.

Эх сурвалж: SBS