Мягмар гарагт еврогийн доллартой тэнцэх ханш 2020 оны зургадугаар сараас хойших хамгийн доод хэмжээнд хүрчээ.
ОХУ Украинтай дайтаж буй энэ үед дэлхийн эдийн засаг, валют арилжааны зах зээл тун тогтворгүй байгаагаас үүдэн хөрөнгө оруулагчид хамгийн аюулгүй валютыг худалдан авах нь ихэссэн юм. Улмаар тэд ам.долларыг түлхүү худалдан авах болсноор ам.долларын индекс 0.6 хувиар өсөөд байгаа ажээ.
Харин мягмар гарагийн байдлаар рублийн доллартой тэнцэх ханш эрчимтэй унаж, евротой тэнцэх ханш даруй 6-7 хувийн уналтыг үзүүлсэн байна.
Харамсалтай нь дайн намжих сураг үгүй бөгөөд ОХУ-аас Киевийн ард иргэдийг гэр орноо орхихыг зөвлөж, командлагчдын зүгээс бөмбөгдөлтийн тактикаа өөрчлөөд байгаа юм.
Эх сурвалж: ТАСС, The Reuters