Оросын бизнесмен Роман Абрамович Лондон хотод харьяатай, Английн мэргэжлийн хөл бөмбөгийн клуб болох Челси клубээ зарах шийдвэр гаргаснаа мэдэгджээ.
Түүний бичсэнээр, “Би үргэлж клубийнхээ ашиг сонирхлыг харгалзан үзэж, шийдвэрүүдээ гаргаж ирсэн. Тиймээс ч миний бие, үүсээд буй нөхцөл байдлын хүрээнд клубийг өөр хүнд зарах нь манай дэмжигчид, ажилчид, ивээн тэтгэгч болоод хамтрагчдын хувьд хамгийн зөв шийдвэр хэмээн итгэж байгаа тул зарах шийдвэрийг гаргалаа.
Энэхүү шийдвэрийг гаргах нь туйлын хэцүү байсныг ойлгоосой гэж та бүгдээс хүсэж байна. Гэвч энэ бол клубийн эрх ашгийн хувьд үнэхээр л зөв шийдвэр юм” гэжээ.
Тэрээр клубийнхээ гишүүд, ажилчидтай салах ёс хийхээр сүүлийн удаа Стэмфорд Бриджийг зорьж, салах ёс хийнэ гэж найдаж байгаагаа илэрхийлсэн байна.
Роман Абрахимовичийн хувьд 2003 онд Челси клубийг 140 сая паундаар худалдан авч байсан бөгөөд түүнээс хойш тус клуб Примьер лигт таван удаа, Аваргуудын лигт хоёр удаа, Европын лигт хоёр удаа тэргүүлж байжээ.
Эх сурвалж: ТАСС