Тоёота компанийн хэвлэлийн төлөөлөгч ТАСС мэдээллийн агентлагт өгсөн ярилцлагадаа ложистикын асуудлаас үүдэн ОХУ дахь машин үйлдвэрлэлээ зогсоож, тус улс руу хийх экспортоо зогсоох болсноо хэлжээ.
Түүний хэлснээр, “Манай Санкт-Петербург хот дахь үйлдвэрт шаардлагатай эд ангиуд тасалдаж байгаа тул үйлдвэрлэл бүхэлдээ зогссон. Мөн ОХУ руу бэлэн машин нийлүүлэх ажлыг ч зогсоогоод байна. Энэ нь үйлдвэрлэлийн дамжлаг болоод экспортын сувгийн асуудалтай холбоотой” гэсэн юм.
Украин улсад үүсээд буй нөхцөл байдлын хүрээнд олон улсын зүгээс ОХУ-ын эсрэг хориг тогтоох болсноор ийнхүү тус улсад үйл ажиллагаа явуулж буй компаниудын үйлдвэрлэл, нийлүүлэлт тасалдахад хүрч, цаашлаад зарим нэг компаниудын хувьд зайлшгүй шаарлагаар үйл ажиллагаагаа зогсоох болж байгаа билээ.
Эх сурвалж: ТАСС