Орос, Украины дайнаас үүдэн түүхий эдийн нийлүүлэлт тасалдсанаар Энэтхэг улсад инфляц сүүлийн 8 сарын хувьд хамгийн өндөр түвшиндээ хүрчээ.

Тус улсын Статистикийн яамнаас даваа гарагт мэдээлснээр өнгөрөгч сарын хэрэглээний үнэ 2021 оны мөн үетэй харьцуулахад даруй 6.1 хувиар өссөн байна.

Энэ нь Блумберг агентлагаас нийтэлсэн эдийн засагч нарын таамгаас ч давсан үзүүлэлт юм. Улмаар дайнаас үүдэлтэй тодорхойгүй байдлаас болж Энэтхэгийн Төв банк эдийн засгийн өсөлт, инфляцын урьдчилсан тооцоогоо эргэн харах болжээ.

Инфляцыг бууруулахын тулд Төв банкнаас бодлогын хүүг өсгөх магадлал бага хэдий ч бодлого боловсруулагч нараас эдийн засгаа сэргээх үүднээс бодлогын хүүг нэмэхийг шахах нь гарцаагүй юм.

Эх сурвалж: Al Jazeera