Японы цаг уурын агентлагийн мэдээлснээр, өнгөрсөн шөнө буюу монголын цагаар 16-ны өдрийн 22:36 цагийн орчимд Японы хойд хэсэгт орших Фүкүшимагийн эргийн ойролцоо 7.3 магнитудын хүчтэй газар хөдлөлт болсон байна.
Энэ газар хөдлөлтөөр Мияги, Фүкүшима зэрэг мужид 6 баллын хүчтэй чичиргээ ажиглагдсан бол Токиод 2-3 минут орчим хүчтэй чичиргээ мэдрэгдсэн байна.
Японы Цаг уурын агентлаг газар хөдлөлт далайн ёроолоос 60 км-ийн гүнд болсон хэмээн мэдэгдэж Мияги болон Фүкүшима мужуудыг цунамигийн аюулаас сэрэмжлэхийг анхааруулсан байна.
Эх сурвалж: YTN