Их Британи улсад инфляцын түвшин тасралтгүй өсөж байгаатай холбогдуулан Английн банк арван-хоёрдугаар сараас хойш гурав дахь удаагаа бодлогынхоо хүүг өсгөлөө.
ОХУ, Украины нөхцөл байдлаас үүдэн тус улсад газрын тосны үнэ сүүлийн 13 жилийн хугацаанд байгаагүй өндөр үнэд хүрсэн тул тэд инфляцыг хяналтдаа оруулах зорилгоор пүрэв гарагт бодлогын хүүгээ 0.75 хувиар өсгөсөн байна.
Олон улсын зүгээс ОХУ-ыг эсэргүүцэн төрөл бүрийн хориг тавих болсноор дэлхий дахинаа инфляцын түвшин өсөж байгаа учир Их Британи, АНУ бодлогынхоо хүүг өсгөх арга хэмжээ авч байгаа юм.
Өнгөрөгч лхагва гарагт л гэхэд АНУ бодлогын хүүгээ 0.25 хувиар өсгөсөн. Харин Европын Төв банк одоогоор бодлогын хүүгээ өсгөөгүй ч эдийн засгаа эрчимжүүлэх төлөвлөгөөг түр хугацаанд азнах болсон байна. Гэвч нөхцөл байдал улам хүндэрвэл төв банкнууд бодлогынхоо хүүг өсгөхөөс өөр аргагүйд хүрэх юм.
Эх сурвалж: Al Jazeera