Шри Ланка улсад хэрэглээний бараа бүтээгдэхүүний үнэ огцом өсөж, үүнээс үүдэлтэй хомстол үүссэнээр ард иргэд шатахуун түгээх станцуудад урт дараалал үүсгэн олон цагаар “оочерлох” болжээ.
Улмаар хэд хоногийн өмнө дараалалд зогсож байсан хүмүүс дунд асан, ахмад насны гурван иргэн нь амиа алдсан харамсалтай хэрэг гарсан байна. Тиймээс мягмар гарагт засгийн газрын зүгээс төрийн өмчит шатахуун түгээх станцуудад цэрэг байршуулах шийдвэр гаргажээ.
Үйл явдлын хүрээнд тус улсын засгийн газрын хэвлэлийн төлөөлөгч, Рамеш Патиранагийн мэдээлснээр, “Цэрэг байршуулж байгаа нь ард иргэдэд туслах зорилготой болохоос хүний эрхийг хязгаарлах гэсэнгүй” гэжээ.
Ройтерс агентлагийн мэдээлж байгаагаар, шатахуун түгээх станцын нэг насосыг 2 цэрэг харгалзах бөгөөд тэд түлш түгээх ажилд туслалцаа үзүүлэх юм.
Шри Ланка улсын хувьд энэ жилд төлж барагдуулах нийт 4 тэрбум ам.долларын өр байгаа ч Шри Ланка долларын үнэ унаснаар нөхцөл байдал энэ хэмжээнд хүрчээ.
Эх сурвалж: CNN