Ройтерс агентлагийн орон нутгийн цагаар 24-ний өдөр мэдээлснээр, Европын холбоо ОХУ-ын байгалийн хийн импортыг ирэх өвөл гэхэд бүрэн зогсоох төлөвлөгөөг хэлэлцэж байна.
Европын комиссын дэд дарга Валдис Домбровскис мөн өдөр Европын парламентад үг хэлэх үеэрээ “Бид ирэх өвөл ОХУ-ын байгалийн хийн импортыг хэсэгчлэн эсвэл бүрмөсөн зогсоох талаар хэлэлцэж байна" гэжээ.
Европын холбоо байгалийн хийн хэрэгцээнийхээ 40 хувийг тус улсаас хангадаг билээ.
Гэсэн хэдий ч саяхан Европын холбооны зүгээс ОХУ-аас импортлох хийн хэмжээг нэг жилийн дотор гуравны нэг хэмжээгээр бууруулна гэж мэдэгдсэн юм.
Мөн тус холбоо нь Оросын нефтийн импортыг зогсоох талаар ч хэлэлцсээр байна.
Эх сурвалж: SBS