Spotify компани ОХУ-ын засгийн газраас баталсан шинэ хуулиас шалтгаалж, тус улсын нутаг дэвсгэр дээр үйл ажиллагаа явуулахаа зогсоожээ.
Тэдний мэдэгдсэнээр, шинэ хууль нь тэдний ажилчид хийгээд сонсогч нарын аюулгүй байдалд заналхийлж байгаа тул ОХУ-д нийлүүлэх үнэ төлбөргүй үйлчилгээгээ бүрмөсөн зогсоох болсон гэсэн юм.
Spotify компанийн хувьд аль гуравдугаар сарын эхэнд Орос дахь оффисоо хаасан ч ард иргэдийг засгийн газраас хараат бус, бие даасан мэдээ, мэдээллээр хангах үүднээс тус улс дахь үйл ажиллагаагаа зогсоогоогүй байжээ. Тэдний мэдэгдэлд дурдсанаар, “Манай компанийн зүгээс ОХУ дахь үйл ажиллагаагаа зогсоохгүй явуулах нь найдвартай, бие даасан, тухайд бүсэд хамаатай мэдээллээр ард иргэдийг хангах нэн чухал арга зам гэж итгэсэн.
Харамсалтай нь саяхан баталсан хууль мэдээлэл хүртэх боломжийг хязгаарлаж, эрх чөлөөтэйгөөр үзэл бодлоо илэрхийлэхийг хориглож, зарим төрлийн мэдээг шууд гэмт хэрэгт тооцох болсноор манай ажилчид, цаашлаад сонсогч нарыг ч аюулд оруулж байна” гэжээ.
Шинэ хуулийн тухайд тодруулбал, Орос, Украины нөхцөл байдлын тухай “худал” мэдээлэл түгээж, нийтэлсэн тохиолдолд урт хугацаанд хоригдох хүртэл л сонсож ч магадгүй болсон юм. Улмаар Блумберг, Нью Йорк Таймс болон СиЭнЭн зэрэг томоохон агентлагууд тус улсаас мэдээлэл хүлээж авахаа зогсоох болжээ. Мөн дэлхийн топ 5 сошиал платформын нэг ТикТок ч шууд дамжуулалт хийх болоод шинэ контент нийтлэхийг хязгаарласан байна.
Эх сурвалж: BBC