Дэлхийн хамгийн үнэ цэнэтэй криптовалют болох Биткоин арилжааны явцуу үе өнгөрч, мягмар гарагийн 09:30 минутын байдлаар нэг бүхэл Биткоины ханш 47,427.81 ам.долларт хүрчээ. Тийнхүү олон зүгээс тус криптовалютыг тун удахгүй 50,000 ам.долларт хүрнэ гэж итгэх болсон байна.
Биткоины ханш нь энэ оны нэгдүгээр сараас эхлэн 35,000-45,000 ам.долларын хооронд хэлбэлзэж байсан бол сүүлийн нэг долоо хоногийн дотор даруй 15,28 хувийн өсөлт үзүүлж, даваа гарагийн хамгийн өндөр үнэлгээ нь 47,583 ам.долларт хүрчээ. Улмаар Биткоины өсөлтийг дагалдан Эфериум 3,372.47 ам.доллар, Солана 108.60 ам.доллар, DOGE коин 0.1451 ам.долларт хүрч, өссөн юм.
Коппер дижитал хөрөнгийн биржийн судалгааны албаны дарга Фади Абоуалфагийн үзэж байгаагаар, энэ чигтээ Биткоин 52,000 ам.долларт хүрвэл цаашлаад 65,000 ам.доллар хүртэл төвөггүй өсөх гэнэ.
Эх сурвалж: Al Jazeera