Shell газрын тосны компани Оросын зах зээлийг орхих ажил нь 3.8 тэрбум фунтийн хохирол дагуулах болсныг баталжээ.
Тэдний зүгээс мэдэгдсэнээр, Shell Оросоос газрын тос худалдан авахгүй ч булаан эзлэх ажиллагаанаас өмнө байгуулсан гэрээ биелэх болно гэсэн юм.
Shell компанийн хувьд дайн эхэлсний дараахан Оросын түүхий газрын тосыг маш хямд үнээр худалдан авсанд олон улсаас их хэмжээний шүүмжлэл хүртсэн тул уучлалт гуйж, дэлхий нийтийг тэдний газрын тосноос худалдан авахгүй байхад уриалсан байна.
Улмаар компанийн удирдлагаас мэдээлснээр, “Shell Оросын газрын тос худалдан авах нэг ч урт хугацааны гэрээг шинэчлээгүй бөгөөд цаашид ч зөвхөн засгийн газраас өгөх чиглэлийн хүрээнд ажиллах болно. Гэхдээ бид Оросоос нэгэнтээ худалдан авсан газрын тосоо татан авах бүрэн эрхтэй, учир нь тэдгээр худалдан авалтын гэрээг булаан эзлэх ажиллагаа эхлэхээс өмнө байгуулсан байсан” хэмээжээ.
Эх сурвалж: BBC
Оросууд тэр тосыг нь өгөхгүй байх аа. Оросуудын дайнаас өмнө байгуулсан гэрээнүүд ч гэсэн хоригт ороо биз дээ.