ОХУ-ын Засгийн газрын хэвлэлийн алба өнгөрөгч ням гарагт хэвлэлийн бага хурал зохион байгуулжээ. Хурлын үеэр, Засгийн газар эдийн засгаа тогтворжуулахаар нөөцийн сангаа 237.4 тэрбум рублиэр нэмэгдүүлэхээр шийдвэрлэсэн болоод тус шийдвэртэй холбогдох тогтоолуудыг аль хэдийн гарын үсэг зурж баталсан болохыг мэдэгдсэн байна.
Тэдний хэлснээр, “Нөөцийн санг нэмэгдүүлэх мөнгийг бид энэ оны эхний улиралд нийлүүлсэн байгалийн хий, газрын тосноос олсон ашгаас гаргаж байгаа. Энэ төрлийн ашгийг Засгийн газар өөрсдийн эрх мэдлийн хүрээнд захиран зарцуулах эрхтэй болохыг Ерөнхийлөгч өнгөрөгч гуравдугаар сард баталсан. Ингэснээр Засгийн газраас эдийн засгийн өөрчлөлтийн эсрэг уян хатан хариу арга хэмжээг хурдан авч хэрэгжүүлэх боломжтой болж байгаа” гэсэн юм.
ОХУ-ын Засгийн газраас нөөцийн санг тухайн оны төсөвт багтаагүй, урьдчилан тооцоогүй үйл явдалд зардалд зориулан бүрдүүлдэг бөгөөд тус сангийн мөнгийг нийгэмд тулгамдаад буй чухал асуудлуудыг шийдвэрлэхэд зарцуулдаг.
Эх сурвалж: ТАСС