Украины ерөнхийлөгч Володимир Зеленський ОХУ-ын Херсон болон Запоріжжя мужуудад үйлдсэн хэргийн дараагаар өөрийн түншүүдийг Оросын банк, санхүүгийн тогтолцооны эсрэг бүрэн хориг тавьж өгөхийг уриалжээ.

Өнөөдөр буюу дөрөвдүгээр сарын 18-ны өдөр Украины ерөнхийлөгчийн албанаас Телеграм хуудаснаа нэгэн бичлэг нийтэлсэн нь ноён Володимир Зеленський дайны 53 дахь өдрийг дүгнэсэн мэдэгдэл байсан юм.

Улмаар мэдэгдлийн хүрээнд тэр, “Манай улсын өмнөд хэсэг болох Херсон, Запоріжжя мужуудад түрэмгийлэгчдийн хийсэн үйлдэлд ардчилсан дэлхий хариу барих хэрэгтэй. Түрэмгийлэгч нар тэнд тарчлаан зовоох бүсүүдийг бий болгож, бүсийн эрх баригчид болон тэдэнтэй холбоотой хэнийг ч байсан хүчээр авч явж байна. Тэд сурган хүмүүжүүлэгч нарыг айлган сүрдүүлж, тэтгэврийн мөнгийг хулгайлан хүмүүнлэгийн тусламжуудыг хааж боон, хулгайлж, хүмүүсийг өлсгөлөнд нэрвэгдүүлж байна.

Түрэмгийлэгчид тэдгээр бүсийг Луганск, Донецк мужуудын адил болгохыг зорьж, Оросын нэг хэсэг болгохыг хичээж байна.

Энэ бүх үйл явдал нь барууны орнуудыг шинэ, илүү хүчтэй хоригийн арга хэмжээг түргэн хугацаанд авч хэрэгжүүлэхийг шаардаж байна. Тэдний энэ л үйлдлийн хариу болгож барууны орнууд Оросын банк, санхүүгийн тогтолцооны эсрэг хориг тогтоох учиртай” хэмээжээ.

Эх сурвалж: Українська правда