ХБНГУ-д бараа бүтээгдэхүүний үйлдвэрийн үнэ эрс нэмэгджээ. Тодруулбал, Холбооны статистикийн хорооноос лхагва гарагт мэдээлснээр, тул улсын үйлдвэрлэгчийн үнийн инфляц өнгөрөгч гуравдугаар сарын мэдээгээр даруй 30 хувьд хүрсэн байна. Энэ нь тус хороо үйл ажиллагаагаа явуулж эхэлснээс хойших 73 жилийн хугацаанд бүртгэгдсэн хамгийн өндөр үзүүлэлт болсон юм.
Улмаар Холбооны статистикийн хорооноос мэдэгдсэнээр, инфляцын түвшин ийн өсөх болсон гол шалтгаан нь эрчим хүчний үнэ гэнэ. Герман улсын хувьд эрчим хүчний үнэ өнгөрөгч оны мөн үетэй харьцуулахад даруй 84 хувийн өсөлттэй байгаа юм. Тэдний зүгээс эрчим хүчний үнэ өсөж буй шалтгааныг ОХУ-ын Украиныг булаан эзлэх оролдлогын үр нөлөө хэмээн тайлбарлаж байгаа ажээ.
Харин тус улсын хэрэглэгчийн үнийн индекс гуравдугаар сарын байдлаар 7.1 хувьд хүрсэн байна. Энэ нь сүүлийн 41 жилийн хувьд хамгийн өндөр үзүүлэлт юм.
Эх сурвалж: CNN