АНУ-ын ерөнхийлөгч Жо Байден ОХУ-ын хөлөг онгоцуудыг тус улс руу нэвтрүүлэхийг хориглохын сацуу Украинд цэрэг, эдийн засгийн нэмэлт тусламж үзүүлэхээ мэдэгдлээ.
Ерөнхийлөгч Байден 21-ний өдөр Цагаан ордны индэр дээрээс "Харгис хэрцгий, цуст дайны хариуцлагыг Путин үүрэх болно. Оросын цэргүүд Киев хотоос ухрахдаа аймшигт нотлох баримтуудыг үлдээн гарч байна" хэмээн ОХУ-ын түоэмгийллийг буруушаасан байна.
“Тэд одоо Украины зүүн хэсгийн нутаг дэвсгэрт хяналтаа тогтооход анхаарлаа хандуулж байна. Энэхүү дайн бас нэгэн өөр шат руу шилжиж буй эгзэгтэй мөчид тулж ирээд байна” хэмээн гэж онцлон тэмдэглэв.
Тэр дундаа Украины зүүн хэсгийн газар нутаг нь ихэвчлэн тэгш байдаг талаар тэрээр дурдаад “Бидэнд илүү үр дүнтэй өөр зэвсэг хэрэгтэй. Донбасс болон тус улсын зүүн хэсэг дэх байлдааны чадварыг сайжруулахын тулд нэмэлтээр 800 сая ам.долларын цэргийн дэмжлэг үзүүлэх болно" гэж мөн мэдэгджээ.
Энэ удаагийн тусламжид 155 мм-ийн 72 гаубиц, 140,000 сум, 121 тактикийн дрон багтсан гэж Пентагон мэдэгдэв.
Ерөнхийлөгч Байден цэргийн тусламжаас гадна Украины эдийн засгийг шууд дэмжих зорилгоор тусад нь 500 сая ам.доллар олгохоор тохиролцсон байна.
Үүний зэрэгцээ АНУ-ын засгийн газрын зүгээс ОХУ-ын эсрэг авч буй нэмэлт хориг арга хэмжээний хүрээнд Оростой холбоотой хөлөг онгоцуудыг АНУ-ын боомтуудад нэвтрүүлэхийг хоригложээ.
"Энэ дайн хэр удаан үргэлжлэхийг бид мэдэхгүй байгаа ч Путин тулалдаанд ялах амбицаа одоог хүртэл биелүүлж чадаагүй. Бид түүний буруу байсныг нотлон харуулах болно” хэмээн тэрээр үргэлжлүүлэн дурдав.
Мариуполь хотын нөхцөл байдлын талаар асуухад тэрээр “ОХУ Мариуполь хотыг бүрэн хяналтандаа оруулсан эсэх нь эргэлзээтэй юм. Тус хотыг бүрэн эзэлсэн гэх нотлох баримт одоог хүртэл алга” хэмээн ярьжээ.
Ерөнхийлөгч Байден үг хэлэхийн өмнө Украины Ерөнхий сайд Денис Шмигалтай биечлэн уулзаж, энэ удаагийн тусламжийн талаар хэлэлцсэн байна.
Эх сурвадж: YTN
Хараал идсэн янк зөнөг