Хойд Африкийн Исламын шашинт Алжир улс Испани руу экспортлох байгалийн хийн нийлүүлэлтээ зогсооно хэмээн сүрдүүлжээ. Эдгээр улсуудын хувьд хөрш Марокко улсаас үүдэн дипломат харилцааны хүрээнд хүйтэн уур амьсгалтай байгаа юм.
Учир нь өнгөрөгч наймдугаар сард Алжир улс Марокко улс руу хий экспортлохоо зогсоосноор тэд Испани улсаас хий татах боломжтой эсэхийг судлах болсон байна. Гэвч Испани улс байгалийн хийн дийлэнх хувиа Алжираас импортолдог тул тэдний зүгээс ийнхүү сүрдүүлэг явуулах болсон байна.
Улмаар лхагва гарагт Алжир улсын Эрчим хүчний сайдын мэдэгдсэнээр тэдний Испани руу нийлүүлдэг байгалийн хийг импортлогч улс дур мэдэн өөр улс орон руу гаргах аваас энэ нь хоёр талын харилцан зөвшөөрч, байгуулсан гэрээг зөрчсөн хэрэг болох тул Алжирын талаас байгалийн хийн экспортоо зогсоох ажээ.
Тийнхүү үүсээд буй ширүүн уур амьсгалыг намжаахаар Испанийн Эрчим хүчний сайд хариу мэдэгдэл хийсэн нь “Бидний Марокко улс руу гаргаж байгаа байгалийн хийн нэг ч куб метр квадрат Алжир улсаас экспортлогдоогүй” гэсэн байна.
Эх сурвалж: Al Jazeera