АНУ-д тариалангийн талбайнууд ганд гачигдаж, хөвөнгийн экспортоороо дэлхий зах зээлийг тэргүүлдэг Энэтхэг улс экспортын бараа бүтээгдэхүүндээ хэсэг хугацаанд хориг тогтоож магадгүй нөхцөл үүссэний улмаас дэлхий дахинаа хөвөн сүүлийн 11 жилийн хугацаан дахь хамгийн өндөр үнээр худалдаалагдах болжээ.
Тавдугаар сард л гэхэд нэг фунт хөвөнгийн үнэ 155.95 центэд хүрсэн байна. Энэ нь өнгөрөгч сартай харьцуулахад 10 хувиар өссөн үзүүлэлт бол 2021 оны сүүлтэй харьцуулахад даруй 30 хувийн өсөлттэй үнэлгээ ажээ.
Шинжээчдийн үзэж байгаагаар хөвөнгийн үнэ буурах төлөвгүй байгаа бөгөөд цаашид ч өсөж магадгүй гэнэ. Учир нь дэлхийн хөвөнгийн экспортын 10 гаруй хувийг дангаар хариуцдаг Энэтхэг улс бараа бүтээгдэхүүний экспортоо түр хугацаанд зогсоож магадгүй нөхцөл үүссэн байна. Улмаар дөрөвдүгээр сард Индонез улс далдуу модны тос экспортдоо хориг тогтоож, дэлхий дахинаа бүх төрлийн ургамлын тосны үнэ өссөнтэй ижил үйл явдал болж магадгүй болжээ.
Эх сурвалж: Nikkei Asia
Энэтхэгийн зөв
Улс болгон өөрийн эрх ашигийг төлөө хоригтой л байх ёстой