БНХАУ-ын бие даан бүтээсэн дунд оврын агаарын тээврийн C919 онгоцыг захиалгат компанид нь нийлүүлэхийн өмнө буюу 14-ний өдөр туршилтын нислэг амжилттай хийжээ.
Хятадын Синьхуа агентлагийн мэдээлснээр, “В-001J” дугаартай С919 маркын онгоц орон нутгийн цагаар мөн өдрийн өглөөний 6 цаг 52 минутад Шанхай хотын Пудун нисэх онгоцны буудлаас хөөрч, 9 цаг 54 минутад аюулгүй газардсан байна.
Тус мэдээнд дурдаснаар агаарын тээврийн компанид хүргэгдэхээр зэхэж буй анхны C919 онгоц туршилтын нислэгээ амжилттай хийлээ хэмээн мэдэгдэв.
Тус онгоцыг China Eastern Airlines компани захиалан авч буй аж.
C919 нь АНУ-ын Боинг 737, Европын Эйрбус 320 зэрэг онгоцтой өрсөлдөхүйц Хятадын зохион бүтээгчдийн бүтээсэн дунд оврын агаарын тээврийн онгоц юм.
C919 анхны туршилтын нислэгээ 2017 оны тавдугаар сард хийж байжээ.
Өнгөрсөн оны 3-р сард China Eastern компани Хятадын арилжааны нисэх онгоц хөгжүүлэгч Comac компанитай таван C919 маркын онгоц худалдан авах гэрээ байгуулжээ. Comac компани нь Хятад болон гадны 28 үйлчлүүлэгчээс 815 ширхэг захиалга хүлээн аваад байгаа гэв.
Эх сурвалж: Newsis
ddfaffaafaffrrerrrrr
ddfaffaafaf
ok
Hhhhh
Mongol hezee ingej yum hiih boloo
Hugjij ugch bn daa
гоё шүү
Сайхан юмаа