Ням гарагт Финлянд улсын нийслэл Хельсинки хотноо ерөнхийлөгч Саули Нийнистө хэвлэлийн бага хурал зохион байгуулжээ. Хэвлэлийн бага хурлын үеэр тэрээр нэгэн мэдэгдэл хийсэн нь Финлянд улс Умард Атлантын Гэрээний Байгууллага буюу НАТО-д элсэх хүсэлтээ өргөн барина хэмээсэн байна.

Түүний хэлснээр, “Өнөөдөр, бид, ерөнхийлөгч миний бие болоод манай улсын Гадаад бодлого, Аюулгүй байдлын бодлогын хороо хамтран, Финлянд улс НАТО-д гишүүнээр элсэх хүсэлтээ өргөн барина гэж шийдлээ” гэсэн юм.

Улмаар ерөнхий сайд Санна Марины мэдэгдсэнээр эрх баригчдын зүгээс өөрсдийн санааг засгийн газарт танилцуулах ажил үлдсэн хэмээжээ.

Тийнхүү өнөөдөр буюу даваа гарагт Финляндын засгийн газар НАТО-д элсэх тухай асуудлын талаар хэлэлцэх болсон бөгөөд олон улсын зүгээс таамаглаж байгаагаар засгийн газар дээрх шийдвэрийг хүлээн зөвшөөрөх юм.

Эх сурвалж: ТАСС