НҮБ-ын Ерөнхий нарийн бичгийн дарга Антониу Гутерриш Украины хүнс экспортлох замыг нээж дэлхий дахинаа хүнсний хомсдол үүсэхээс сэргийлэх зорилгоор ОХУ болон Турк улсуудтай хэлэлцээ хийж байгаа талаар Уолл Стрит Журнал сонин орон нутгийн цагаар 16-ны өдөр мэдээлэв.
Тус сонин дипломат эх сурвалжаас иш татан Гутерриш Орос, Беларусийн калийн бордооны экспортод тавьсан хязгаарлалтыг хөнгөвчилсний хариуд Украины зарим үр тарианы экспортыг зөвшөөрөхийг Оросоос хүссэн гэж мэдэгдэв.
Одоогоор Орос улс хэлэлцээнд төдийлөн оролцохгүй байгаа бололтой. Харин Туркийн тал хэлэлцээнд оролцох, тэр дундаа далайн тээврийг зохицуулах хүсэлтэй байгаагаа илэрхийлсэн гэж эх сурвалж мэдээлсэн байна.
ОХУ Хар тэнгисийн боомтоор дамжуулан Украины үр тарианы экспортыг хааснаар дэлхийн хүнсний хямрал хурцдаж эхлээд байгаа билээ. Украин улс нь 2020-2021 оны хооронд 41.5 сая тонн эрдэнэ шиш, улаан буудай экспортолсон дэлхийн томоохон үр тариа экспортлогчдын нэг бөгөөд 95 гаруй хувийг Хар тэнгисээр дамжуулан экспортолсон юм.
НҮБ-ын албаны хүмүүс Украины үр тарианаас хамааралтай байдаг ядуу буурай орнууд хүнсний хямралд өртөж магадгүй гэж түгшиж байна.
Украинд дайн өдүүлснээс үүдэн ОХУ болон Беларусийн калийн бордооны салбарын экспорт хориг арга хэмжээнд өртөөд байгаа билээ. Экспортын хязгаарлалтыг хөнгөвчлөх нь барууны хориг арга хэмжээний дарамтад байгаа хоёр улсад тодорхой хэмжээний нэмэр болох төлөвтэй байгаа тухай Уолл Стрит Журнал сонин мөн мэдэгдэв.
Гутерриш өнгөрсөн сард Москва, Киев, Анкара хотуудаар айлчилж, дайн тулаан, хүнсний аюулгүй байдлын асуудлаар ярилцсан юм.
Эх сурвалж: Newsis
НҮБ ыг Төвийг сахисан улсад шинээр байгуулах хэрэгтэй. Жнь Энэтхэгт, Индонез
Энэ Америк долларын боол анх дайн гаргуулахгуй байж болох л байсан Ухсэн ацаараа дэлхийн эрх барих байгууллага Америкийн боол болсон новшнуудын хоолоо олж иддэг газар! Одоо олсоод ирхээрээ Оросыг гуйж байгаа нь инээдтэй
Будаа бордоогий нь өгөлгүй оростоо хангалттай байсан дээр
НҮБ Гүттеревиш урвагч ОГЦОР, хогийн новш АНУ гар хөл.
Натогийн гарт орсон НҮБ гэтэл натог америк удирддаг энэ хоригоос болж өөрсдөө сүйрэлд орлоо доо