АНУ болон Европын холбоо хагас дамжуулагчийн үйлдвэрлэлийг дэмжихийн тулд татаас олгох өрсөлдөөнөөс татгалзахаар шийджээ. Мөн Украины дайны талаар ОХУ-ын тарааж буй ташаа мэдээлэлтэй тэмцэхээ мөн мэдэгдэв.

Франс Пресс агентлагийн мэдээлснээр, орон нутгийн цагаар 16-ны өдөр Францын Парис хотоос холгүй орших Саклер хотод 15-ны өдрөөс эхлэн зохион байгуулагдсан АНУ болон Европын холбооны худалдаа, технологийн зөвлөлийн 2-р хурал дээр энэ тухай мэдэгдлээ.

Хоёр тал хагас дамжуулагчийн салбарын өсөлтийг үргэлжлүүлэн дэмжихээр шийдсэн ч татаас олгон өрсөлдөхөөс татгалзав. Үүнээс гадна хагас дамжуулагчийн хангамжийн тасалдлыг урьдчилан мэдээлэх системийг нэвтрүүлэх болно хэмээн цохон тэмдэглэжээ.

АНУ болон Европын холбоо гадаад худалдаатай холбоотой тооцоолоогүй хүндрэл, саад бэрхшээлээс зайлсхийхийн тулд ихээхэн анхаарал хандуулахаа тохиролцов. Мөн Хятадад төвлөрсөн газрын ховор элементийн нийлүүлэлтийн сүлжээнд санаа зовниж буйгаа илэрхийлж, худалдан авалтын хүчин чадлыг нэмэгдүүлэх төлөвлөгөөг тусгасан байна.

Хоёр тал ОХУ-ын Украин руу довтолж, ташаа мэдээлэл тарааж байгааг буруушааж, баримтад суурилсан, найдвартай мэдээлэл олж авах боломжийг санхүүжүүлэхээ мөн онцлов.

Эх сурвалж: Asiae