Даваа гарагт Starbucks компанийн удирдлагаас мэдээлснээр, тэдний АНУ дахь ажилчид үр хөндөлт хийлгэх эсхүл ургийн хүйс тодорхойлуулах ажилбар хийлгэхийг хүсвэл компанийн зүгээс тэдэнд аяллын зардал олгох болжээ.
Ийн шийдвэрлэх болсон шалтгаан нь тус улсын Дээд шүүхээс үр хөндөлт хийлгэх эрхийг хуулиар зохицуулах тухай асуудлыг хэлэлцэж байгаатай холбоотой юм. Одоогоор шүүхийн эцсийн шийдвэр гараагүй ч Amazon болон Starbuck компаниудын зүгээс өөрсдийн байр суурийг илэрхийлэн ийн шийдэж байгаа билээ.
Улмаар Starbucks компанийн ажилчид дээрх эмнэлгийн үйлчилгээг өөрийн оршин суудаг бүсээс 100 миль радиусын дотор хүлээн авч чадахгүй болбоос компанийн зүгээс тэдэнд шаардлагатай үйлчилгээгээ хүлээн авахад зориулсан аяллын зардлыг олгох гэнэ.
Тийнхүү шүүхийн эцсийн шийдвэр ямар байхаас үл хамааран тэд цаашид дээрх тэтгэмжийг олгох ажээ.
Starbucks компанийн хувьд АНУ-д л гэхэд нийт 240 мянган ажилтантай юм. Гэсэн хэдий ч тэдний зүгээс дээрх шийдвэр хэзээнээс эхлэн хүчинтэй мөрдөгдөх тухайд тодорхой мэдээлэл өгөөгүй байна.
Эх сурвалж: USA Today