Даваа гарагт Польшийн засгийн газрын стратегийн эрчим хүчний дэд бүтцийн асуудал эрхэлсэн бүрэн эрхт төлөөлөгч Петр Наимски радиод өгсөн ярилцлагадаа, тус улсын эрх баригчид байгалийн хийн нийлүүлэлтийн хүрээнд ОХУ-тай 1993 онд үзэглэж байсан засгийн газар хоорондын гэрээг зөрчсөн хэмээжээ.
Петр Наимскигийн хэлснээр, “Тавдугаар сарын 13-ны өдөр Матеуш Моравицкийн засгийн газар Польш, ОХУ-ын засгийн газар хооронд байгуулж байсан хэлэлцээрийг зөрчих тогтоолыг баталсан. Улмаар өдгөө 30 жилийн дараа Орос, Польш улсын байгалийн хийн салбарын хүрээнд тогтоогоод байсан харилцаа үгүй болсон гэж хэлэхэд буруудахгүй боллоо” гэсэн юм.
Тийнхүү Польш улсын нутаг дэвсгэрээр дамжих Ямалын хийн шугамыг ямар зориулалтаар ашиглахыг лавлахад тэрээр, “Ямалын хийн шугамыг Польш улсын нутаг дэвсгэрээр дамжуулан өөр улс орнуудад байгалийн хий нийлүүлэхэд ашиглана. Магадгүй польшууд ХБНГУ-аас байгалийн хий татахад ашиглаж ч болох юм” хэмээн хариулжээ.
Эх сурвалж: ТАСС
Одоо оросууд хий, нефтэндээ хориг тавьчихвал намар гэхэд европын холбоо сүйрнэ дээ
НӨҮ.