Японы автомашин үйлдвэрлэгч Тоёота Мотор компаниас мягмар гарагт мэдэгдсэнээр, тэд хагас дамжуулагчийн хомстлоос үүдэн зургадугаар сарын төлөвлөгөөгөө 100 мянгаар танаж, ирэх сард дэлхий дахинаа нийт 850 мянган автомашин үйлдвэрлэхээр болжээ.
Гэвч тэд 2023 оны гуравдугаар сар гэхэд нийт 9.7 сая автомашин үйлдвэрлэсэн байх тооцоондоо өөрчлөлт оруулаагүй байна.
Түүнчлэн Тоёота Мотор Шанхай хотын хөл хорионоос үүдэн дотоод дахь үйлдвэрлэлээ түр хугацаанд зогсоохоос өөр аргагүй нөхцөлд орсноо хуваалцсан юм. Улмаар маргаашаас эхлэн зургадугаар сарын гуравны хооронд нэг үйлдвэр дээд талдаа 5 өдөр үйлдвэрлэлээ зогсоох ажээ. Тийнхүү Япон дахь Тоёотагийн 10 үйлдвэр дээрх хугацаанд ээлж дараалан үйлдвэрлэлээ зогсоох гэнэ.
Гэсэн ч тэд төлөвлөгөөндөө ихээхэн итгэлтэй байгаа бөгөөд зуны саруудад л гэхэд нэг сард дунджаар 850 мянган автомашин үйлдвэрлэнэ гэж итгэж байгаа юм.
Эх сурвалж: Nikkei Asia