Мягмар гарагт Өмнөд Солонгосын технологийн акул болсон Самсунг Элекстроникс компани ойрын таван жилийн бизнесийн төлөвлөгөөгөө танилцуулжээ.
Төлөвлөгөөнд тусгаснаар тэд ирэх таван жилийн хугацаанд өөрсдийн бизнест 350 тэрбум ам.долларын хөрөнгө оруулж, нийт 80 мянган шинэ ажлын байр бий болгохоор зорьсон байна.
Хөрөнгө оруулалтын ихэнх хувь буюу нийт 285 тэрбум ам.долларыг тэд дотоод дахь бизнестээ оруулах гэнэ. Харин хөрөнгө оруулалтад төлөвлөсөн мөнгөний үлдсэн хувийг юунд оруулах тухайд тэд тодорхой мэдээлэл өгөөгүй ажээ.
Түүнчлэн тэдний төлөвлөснөөр тэд жилд дунджаар 16 мянган шинэ ажлын байр бий болгох гэнэ. Ажлын байрны дийлэнх нь Өмнөд Солонгос улсын нутаг дэвсгэрт байх бол үлдсэн хувь нь АНУ, Их Британи, Канад, Филиппин улсад байх юм.
Эх сурвалж: CNN