Францын эрчим хүчний TotalEnergies компани АНУ-ын сэргээгдэх эрчим хүчний тав дахь том компани болох Clearway Energy-ийн 50 хувийг худалдан авахаар болжээ. Энэ нь Францын компаниас АНУ-ын сэргээгдэх эрчим хүчний компанид оруулсан хамгийн том хөрөнгө оруулалт болох юм.
Total компанийн зүгээс орон нутгийн цагаар 25-ны өдөр Clearway Energy-ийн 50 хувийг 1.6 тэрбум ам.доллароор авахаар тохиролцсоноо зарласан бөгөөд Clearway Energy компани нь АНУ-ын сэргээгдэх эрчим хүчний салбарт тавдугаарт бичигддэг томоохон аж ахуй нэгж юм. Энэхүү наймааны ачаар TotalEnergies нь АНУ-ын 34 мужид нар, салхины эрчим хүчний салбар дахь бизнесийн үйл ажиллагаагаа өргөжүүлэх боломжтой болох юм.
ОХУ Украинд түрэмгийлснээс улбаалан олон улсын зах зээлд газрын тосны үнэ өссөн нь TotalEnergies компанийн хувьд энэ оны эхний улиралд тун орлого арвинтай байхад нөлөөлсөн билээ. Tус компани нь сэргээгдэх эрчим хүчний салбар дахь бизнесээ өргөжүүлэхийн тулд бусад компаниудтай нэгдэх эсвэл худалдан авах ажлыг идэвхжүүлж байна.
Эх сурвалж: Hankyung