НҮБ-ын удирдах албан тушаалтнууд Москва хотод айлчилна
5 сарын 26. 14:481

Лхагва гарагт НҮБ-д суугаа Оросын төлөөлөгчийн газрын хэвлэлийн төлөөлөгч Федор Стржиковскийгийн мэдэгдсэнээр ойрын хугацаанд НҮБ-ын удирдах албан тушаалтнууд Москва хотноо айлчлах болжээ.

Түүний хэлснээр, “НҮБ-ын Худалдаа, хөгжлийн бага хурлын ерөнхий нарийн бичгийн дарга Ребека Грийнспан ойрын хугацаанд Москва хотноо айлчилж, Оросын бордооны экспортод тулгарч буй асуудлын тухай хэлэлцэхээр төлөвлөсөн.

Харин НҮБ-ын Хүмүүнлэгийн хэргийн ерөнхий нарийн бичиг Мартин Гриффитс зургадугаар сарын эхээр Москва хотноо айлчилж, Украин улсад үзүүлэх хүмүүнлэгийн тусламжийн тухайд өргөн хүрээг хамарсан хэлэлцээр хийхээр төлөвлөсөн” гэсэн юм.

Үйл явдлын хүрээнд ОХУ-ын Гадаад хэргийн сайд Андрей Руденкогийн мэдэгдсэнээр, ”Дэлхий дахиныг хамарч буй хүнсний асуудлыг шийдвэрлэхэд манай улсын экспорт, санхүүгийн гүйлгээнд тавьсан хоригийг цуцлах зэрэг цогц арга барил шаардлагатай.

Мөн Украины талаас тээврийн хөлөг онгоцнууд түгжигдсэн боомтуудыг минагүйжүүлэх хэрэгтэй байгаа.

Манай талаас хүмүүнлэгийн коридор нээхэд бэлэн байгаа ба өдөр бүр хүмүүнлэгийн коридор нээн ажиллаж байгаа” гэжээ.


Эх сурвалж: ТАСС

Энэ мэдээнд өгөх таны сэтгэгдэл?
14
0
0
0
0
1
4
Сэтгэгдэл үлдээх
Нийт 1 сэтгэгдэл
202.21.108.222
   /
5 сарын 26. 23:48

Орос үнэхээр дэлхий ертөнцийг дураараа хөдөлгөж бна дөө

Онцлох мэдээ