ОХУ-ын Худалдаа, аж үйлдвэрийн сайд Денис Мантуровын лхагва гарагт мэдэгдсэнээр, тус улс зарим өнгөт металлын экспортдоо хориг тавих эсэх асуудлыг авч үзэх болжээ.
Түүний хэлснээр, “Хаягдал төмрийн ханш өсөж байгаагаас үүдэн бид хаягдал төмрийн экспортоос хураах татварыг нэмэгдүүлэх шийдвэрийг хоёр ч удаа гаргасан.
Тэгвэл одоо тодорхой нөхцөл байдлыг харгалзан үзэж, бид хайлш, нэн ялангуяа өнгөт металлын экспортод хориг тавих асуудлыг авч үзэж байна” гэсэн юм.
Тэднийг ийн мэдэгдэхээс өмнө Дэлхийн гангийн холбооноос 2022 онд Оросын гангийн хэрэглээг даруй 20 хувиар буурч, 35.1 сая тоннд хүрнэ хэмээн тооцоолоод байжээ.
Тэгвэл урьдчилсан тооцооны хүрээнд Аж үйлдвэрийн яамнаас “Эрэлт буурахгүй гэж хэлж чадахгүй ч хоёр оронтой тоонд ортол их хувиар унахгүй. Миний зүгээс шинжээчдийн гаргасан тооцоог баталсан мэдэгдэл хийхгүй байхыг илүүд үзнэ. Учир нь хэн ч ирээдүйг харж чадахгүй шүү дээ. Мөн дотоодын эрэлт ч буураагүй байна” гэжээ.
Эх сурвалж: ТАСС