ОХУ-ын Гадаад хэргийн сайд Сергей Лавров ням гарагт Россия 1 сувагт ярилцлага өгчээ.

Ярилцлагад дурдсанаар АНУ Украин улсад зэр зэвсэг нийлүүллээ гээд тэд ОХУ-ыг олон улсын хэмжээнд өөрсдийн санаа бодлоо хүргэх эрхийг хасаж, Вашингтоны зохиосон дүрмийг мөрдөхөд хүчилж чадахгүй хэмээсэн байна.

Ноён Лавроваас АНУ Украинд зэвсэг нийлүүлснээр юунд хүрэх тухайд асуухад тэр Вашингтоны зүгээс урт хугацаанд зорьж байсан зорилгодоо хүрэх гэж хичээж байгаа гэсэн юм. Түүний өгүүлснээр, “Тэд олон жилийн өмнө ОХУ-ыг өөрийн байр сууриа мэддэг байх хэрэгтэй, ОХУ олон улсын үйл хэрэгт өөрсдийн дуу хоолойг өргөх эрхгүй, ОХУ АНУ-ын зохиосон дүрмийг дагаж мөрдөх учиртай гэж мэдэгдэж байсан, түүндээ л хүрэхийг хичээж байна. Тэгээд л тэр. Миний бодож байгаагаар тэд өөрсдийн зорилгодоо хүрэхгүй гэдгээ маш сайн ухамсарлаж байгаа” хэмээжээ.

Сергей Лавровыг ийн мэдэгдэхээс өмнө ОХУ-ын АНУ-д суугаа элчин сайд Анатолий Антонов, “Киевийг Америкт үйлдвэрлэсэн зэвсгээр хангах нь дэлхийд цөмийн зэвсгээрээ тэргүүлдэг хоёр улсыг шууд мөргөлдөөнд хөтөлж буй явдал бөгөөд үүний үр дүн нь төсөөлөхийн аргагүй юм” гэж мэдэгдсэн байна.

Эх сурвалж: ТАСС