АНУ-ын ерөнхийлөгч Жо Байдены засгийн газраас инфляцын өсөлттэй тэмцэхийн тулд Хятадын бараа бүтээгдэхүүний зарим нэг татварыг танах, шатахууны татварыг түр хугацаанд зогсоох боломжийг судлах болжээ.
Ням гарагт АНУ-ын Сангийн яамны нарийн бичгийн дарга Жанет Еллэн өмнөх ерөнхийлөгч Доналд Трампын засгийн газраас Хятад бараа бүтээгдэхүүний хүрээнд баталсан зарим татварыг “стратегийн хувьд ямар ч ач холбогдолгүй” хэмээн тодорхойлж, инфляцын өсөлтийг бууруулах үүднээс ноён Байдены засгийн газар тэдгээр татварыг танах боломжийг судалж байгаа болохыг мэдэгдсэн байна.
Мөн тус улсын Эрчим хүчний яамны нарийн бичгийн дарга Женнифэр Грэйнхолмийн мэдэгдсэнээр, ерөнхийлөгчийн зүгээс шатахууны гаалийн татварыг ч түр хугацаанд зогсоох боломжийг судалж байгаа гэсэн юм.
АНУ-ын хувьд сүүлийн 40 жилийн хугацаанд үзээгүй хамгийн өндөр инфляцтай нүүр тулж байгаагийн улмаас хэрэглэгчийн үнийн индексийг тогтоон барихын тулд ийнхүү боломжит хувилбаруудыг судлах болсон байна.
Гэвч Кливланд мужийн Холбооны Нөөцийн сангийн ерөнхийлөгч Лоретта Местерийн хэлснээр Төв банкнаас инфляцыг 2 хувь хүртэл бууруулж, барих төлөвлөгөө биелэлээ олоход дор хаяж 2 жил шаардлагатай гэжээ.
Эх сурвалж: Nikkei Asia