Украин дахь дайнаас үүдэн улс орнууд ОХУ-ын эсрэг хориг тогтоох болсноор Орос улс Хятадад газрын тосоо хямдруулсан үнээр нийлүүлж, улмаар тэд Хятадын газрын тосны хамгийн том нийлүүлэгч болжээ.
Газрын тосны үнэ буурснаас үүдэн Хятадын компаниуд энэ жил Оросоос газрын тос их хэмжээгээр худалдан авах болсон байна.
Тоон баримтаас үзвэл ОХУ-ын Хятад руу гаргасан газрын тосны импортын хэмжээ өнгөрөгч оны мөн үетэй харьцуулахад даруй 55 хувиар нэмэгджээ. Тийнхүү Хятадын Гаалийн ерөнхий газраас мэдэгдсэнээр өнгөрөгч сард л гэхэд БНХАУ Оросоос нийт 8.42 сая тонн газрын тос импортолсон байна.
Ингэснээр урьд БНХАУ-ын хувьд газрын тосны нийлүүлэлтээрээ нэгдүгээрт бичигддэг байсан Саудын Араб улс хоёрт бичигдэх болсон юм.
Эх сурвалж: BBC