“Ковид-19” цар тахлын улмаас тасалдаад байсан Малайз-Сингапурыг холбосон галт тэрэгний үйлчилгээ бүтэн хоёр жил гурван сарын дараа сая нэг дахин нээгджээ.
Bernama News мэдээлийн агентлагийн 20-ны өдөр мэдээлснээр, өмнөх өдөр нь Малайзын Жохор Бахру болон Сингапурын Вудландсыг холбосон хилийн галт тэрэгний хөдөлгөөн сэргэсэн тухай онцлон хүргэсэн байна.
Хоёр улсыг холбосон Shuttle Tebrau галт тэрэгний хөдөлгөөнийг цар тахлын дэгдэлтийн улмаас 2020 оны гуравдугаар сарын 24-ний өдрөөс тодорхойгүй хугацаагаар зогсоогоод байсан билээ.
Малайз улсад цар тахлын дэгдэлт эхлэхээс өмнө өдөрт дунджаар 300,000 хүн ажиллах хүчний хангамж болон бусад зорилгоор Сингапурыг зорьдог байв.
Хоёр улс өнгөрсөн оны арваннэгдүгээр сарын 29-ний өдрөөс эхлэн хил дамнасан автобус, тээврийн хэрэгслийн хөдөлгөөнийг сэргээсэн бол энэ удаад хил дамнасан галт тэрэгний хөдөлгөөнийг дахин эхлүүлснээр өдөр тутмын хэвийн амьдрал улам хурдацтай сэргэх төлөвтэй байна.
Эх сурвалж: YTN