Турк улсын зүгээс Швед, Финлянд улсуудыг НАТО-д элсэхэд сөрөг байр суурьтай байгаагаа илэрхийлсээр байгаа энэ үед тус хоёр орны удирдагчид орон нутгийн цагаар 20-ны өдөр Туркт айлчилж, албаны хүмүүстэй уулзана гэж Нью Йорк Таймс сонин мэдээлэв.
Швед, Финлянд улсууд олон жилийн турш баримталсаар ирсэн төвийг сахих зарчмаасаа ухарч өнгөрсөн сарын 18-ны өдөр НАТО-д элсэх өргөдлөө албан ёсоор гаргасан билээ.
НАТО-д элсэхийн тулд тус эвслийн 30 гишүүн орны зөвшөөрлийг бүрэн бүрэлдхүүнээр нь авах шаардлагатай юм. Гэвч Швед, Финляндын НАТО-д элсэх хүсэлтийг ихэнх улс орнууд сайшаан хүлээж авсан ч Турк улс эсэргүүцсээр байгаа нь эдгээр улсыг НАТО-д элсэхийг нэлээд хугацаагаар хойшлуулах төлөвтэй байна.
Туркийн ерөнхийлөгч Режеп Тайип Эрдоганы зүгээс Швед, Финлянд улсуудыг террорист бүлэглэлд тооцогддог "Курдын зэвсэгт бүлэглэлийг дэмждэг хэмээн буруушаан НАТО-д элсэхийг хориглоно гэж сүрдүүлсэн” юм.
Финлянд, Шведийн албаны хүмүүс энэ хугацаанд Туркийн албаны хүмүүстэй холбогдож асуудлыг шийдвэрлэх тал дээр хэлэлцэж байгаа бол НАТО-гийн батлан хамгаалахын сайд нар ч Туркийн санаа бодлыг өөрчлөх, ятгах арга замыг хайсаар байна.
Эх сурвалж: Newsis
Туркийг энэ 2 улс их доромжилж.төрийн эргэлт хийхий нь дэмжсэн.орос эрдогонд амжиж мэдээлэл өгөөгүй бол тэр хүн одоо бурхны оронд одсон байх байлаа