Их Британийн хатан хаанаас өгсүүлээд Холливудын алдарт жүжигчин Том Круйз, Ричард Брэнсон нар ч зоог барьж байсан Хонконгийн алдарт хөвдөг ресторан Жамбо 50 жил үйл ажиллагаагаа явуулсан боомтыг орхисноос хойш хэдхэн өдрийн дараа живжээ.
Рестораны үйл ажиллагааг хариуцсан компанийн мэдээлснээр Жамбо хөвдөг рестораныг өөр байршилд нүүлгэн шилжүүлэх явцад хөлөг Өмнөд Хятадын тэнгист живсэн гэнэ.
Тэд болсон үйл явдалд гүнээ харамсаж байгаагаа илэрхийлсэн бөгөөд аз болоход хөлөг живэхэд нэг ч хүний амь эрсдээгүй байна.
Абердийн рестораны энтерпрайзаас мэдэгдсэнээр хөлгийг замд гарахаас өмнө тэнгисийн инженерүүд шалгалт хийж, хөлөг ч шаардлагатай бүх шалгуурт тэнцсэн тул задгай тэнгист гарсан гэнэ. Гэвч ням гарагт хөлөг усанд автаж, живсэн байна.
Тэдний мэдээлснээр хөлөг өдгөө 1000 метрийн гүнд гацсан тул аврах ажиллагаа явуулахад нэн хүндрэлтэй байгаа гэжээ.
Эх сурвалж: BBC