Оросын Новая Газета сонины эрхлэгч Дмитрий Муратов өнгөрөгч оны аравдугаар сард Нобелийн шагнал хүртэж, ОХУ-аас 31 жилийн дараа Нобелийн шагналтан дахин төрсөн билээ.
Харин мягмар гарагт ноён Муратов өөрийн медалийг дуудлага худалдаанд оруулах болсноо зарлаж, дуудлага худалдаанаас олсон бүх ашгийг Украины дайнаас дүрвэгчдэд зориулах болно хэмээсэн юм.
Тийнхүү мягмар гарагийн үд гэхэд түүний медаль 103.5 сая ам.доллароор зарагдсан байна.
Дуудлага худалдааг зохион байгуулсан газраас медалийг худалдан авсан хүний тухай ямар нэг мэдээлэл өгөөгүй ч тэдний мэдэгдсэнээр дуудлага худалдааны ашгийг ЮНИСЕФ-ийн хүмүүнлэгийн үйлд хандивлаж, ЮНИСЕФ цааш нь Украины дайнаас үүдэн дүрвэсэн хүүхдүүдэд туслахад зарцуулах гэнэ.
Ташрамд дурдахад, Новая Газета сонины хувьд дайн эхэлсний дараахан үйл ажиллагаагаа зогсоосон нь Москвагийн талаас “цэргийн тусгай ажиллагаа” гэсэн нэршлийн оронд “дайн” гэж бичсэн бүх л хэвлэлийг торгох, хаах арга хэмжээ авсантай холбоотой ажээ.
Эх сурвалж: BBC
Тэнэг хүүр авсан хүнийг нь хэлэхгүй байна гэдэг чинь медаль нь нохойн баас болж байгаан . Пүтин урьдаж хараагүй бол Орос өдийд дэлхийн 2 р дайн шиг 3 р дайны талбар болох байсаныг мэдэрдэггүй Дмитрий муратов вэ?