Оросын эрх баригчид орон нутгийн цагаар 21-ний өдөр Британийн өдөр тутмын The Telegraph сайтыг хаах шийдвэрийг гаргажээ.
Интерфакс болон бусад мэдээллийн агентлагийн мөн өдөр мэдээлснээр, тус улсын харилцаа холбооны хяналтын байгууллага болох Харилцаа холбоо, мэдээллийн технологи, хэвлэл мэдээллийн хяналтын газрын зүгээс Украинд хэрэгжүүлж буй Оросын цэргийн тусгай ажиллагаатай холбоотой The Telegraph сайтын ямарваа нэгэн нийтлэл, мэдээ мэдээлэлд нэвтрэх эрхийг хязгаарласан байна.
Олон нийтийг хамарсан эмх замбараагүй байдал, хэт даврагч үйл ажиллагаа, худал ташаа мэдээлэл агуулсан сайтуудыг хаах талаар тусгасан "Мэдээллийн тухай хууль"-ийг үндэслэн тус сайтын нийтлэлийг хаах прокурорын хүсэлтийн дагуу энэхүү шийдвэрийг эцэслэн баталжээ.
The Telegraph сайт нь https өргөтгөлтэй байдаг тул нэг сэдвийн хүрээнд мэдээ мэдээллийг хааж хориж буй нь сайтыг бүхэлд нь хааж байгаа хэрэг аж. Ингэснээр Оросын нутаг дэвсгэр дээр тус сайт одоогоор огт ажиллахгүй байгаа гэв.
Харилцаа холбоо, мэдээллийн технологи, хэвлэл мэдээллийн хяналтын газраас мэдэгдэхдээ "Оросын армийн Украинд хэрэгжүүлж буй "цэргийн тусгай ажиллагаа"-ны талаар худал ташаа мэдээлэл тараасан нь тус сайтыг хаах гол үндэслэл болсон" хэмээн цохон тэмдэглэжээ.
Украины нөхцөл байдлын талаар худал мэдээлэл тараасан гэх шалтгаанаар BBC, Free Europe Broadcasting (RFE), Voice of Germany (DW), Euronews зэрэг сайтуудыг мөн Орост хаагаад байгаа билээ.
Эх сурвалж: Yonhap
Оросын төв телевизын мэдээг орчуулж хүргэдэг орос хэлтэй орчуулагч мэдээний редактор арилжааны гэгдэх тв үүдэд байдагүй юм л бол ввс.ройтер гэж ярьдаг .баруун бол баруун.тэд жаахан тусламж .сайхан яриагаараа монголыг бантан болгосон өнгөрсөн ардчилалын 30 д жилээ хар сайн бод
Аймшиг том гүрнүүд худлаа мэдээллээр дэлхийг нийтээр нь толгойг нь сэнхрүүлж байгааг хараад үнэн юм байхгүй бна аа бурхан минь гэж хэлэх үг ч олдохгүй бна доо худлаа хэлж хулгай хийж баян болсон улс орон хүмүүс л хождог болсон хорвоо болжээ