Токиогийн Олимпыг 1.42 их наяд иенээр зохион байгуулжээ
6 сарын 22. 12:200

Коронавирусийн улмаас нэг жилээр хойшилсон Токиогийн Олимп, Паралимпын зардал анхлан төсөвлөснөөс даруй хоёр дахин өссөн болохыг Токиогийн Олимпыг зохион байгуулагч хорооноос мягмар гарагт мэдээлжээ.

Тайланд дурдсанаар Токиогийн Олимпын төсвийг тэд нийт 4 эх үүсгэврээс цуглуулсан нь Зохион байгуулагч хороо, Олон улсын Олимпын Хороо, Токиогийн засгийн газар болон Япон улсын засгийн газар байсан юм. Улмаар Токиогийн засгийн газар, Япон улсны засгийн газраас 783.4 тэрбум иен гаргасан нь 2012 онд төсөвлөсөн дүнг 80 хувиар давсан байна.

Харин халисан төсвийг юунд зарцуулсан тухай тодруулахад, тэмцээн зохион байгуулагдах талбарын засвар, засалд их хэмжээний мөнгө зарсан гэнэ. Жишээлбэл, Олимп зохион байгуулагдсан Үндэсний цэнгэлдэхийг барихад 156.9 тэрбум иен зарцуулсан нь барилгын ажилд төсөвлөсөн мөнгийг 27 тэрбумаар давжээ.

Түүнчлэн бараа бүтээгдэхүүний үнэ нэмэгдэж, коронавирусээс сэргийлэх журмыг хэрэгжүүлсэн зэрэг нь төсөв халихад хүргэсэн юм. Улмаар тэмцээнд оролцогчдыг шинжилгээнд хамруулах ажилд л гэхэд 35.3 тэрбум иенийг зарцуулсан байна. Мөн Олимпын Хорооноос тасалбар худалдаалах ашиг 90 тэрбум иенд хүрнэ гэж тооцож байсан ч энэ жилийн наадам үзэгчгүй зохион байгуулагдсанаар тэдний алдагдал улам нэмэгджээ.


Эх сурвалж: Nikkei Asia

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ