Мягмар гарагт Японы газрын теннисний тамирчин Наоми Осака NBA-ийн алдарт тоглогч Леброн Жэймстэй хамтран хэвлэл мэдээллийн компани байгуулж байгаагаа зарлажээ.
Хана Кума гэх нэртэй тус компанийн зорилго нь соёлын саад бэрхшээлийг даван туулсан хүмүүсийн түүхийг олон нийтэд хүргэх бөгөөд Холливуд Репортерийн мэдээлснээр, тэд аль хэдийн хэд хэдэн төслийг бэлтгээд эхэлсэн гэнэ.
Гранд Слам тэмцээний дөрвөн удаагийн аварга Наоми Осакагийн Нью Йорк Таймс сонинд өгүүлснээр, “Хүмүүст урам өгч, багадаа үзэхийг хүсдэг байсан түүхүүдээ бусдад хүргэнэ гэдэг намайг үнэхээр баярлуулж байна. Би багадаа үргэлж өөр шигээ хүний тухай сонсохыг хүсдэг байсан” гэсэн юм.
Наоми Осакагийн хувьд Япон ээж, Гаити аавтай нэгэн юм.
Харин сагсан бөмбөгийн алдарт тамирчин Леброн Жэймсийн зүгээс өөрийн "The Spring Hill" компаниар дамжуулан Хана Кума компанийн санхүү, үйл ажиллагаа, үйлдвэрлэлийн түншээр ажиллах ажээ.
Эх сурвалж: Nikkei Asia