Тэрбумтан Илон Маскийн мэдэгдсэнээр Теслагийн Герман, Америк улс дахь шинэ үйлдвэрүүд Хятад дахь нийлүүлэлтийн тасалдал болоод батарейн хомсдолоос үүдэн олон тэрбумын алдагдал хүлээж байна гэжээ.
Тийнхүү ноён Маск тэдгээр үйлдвэрийг “мөнгөний зуух” гэж нэрлэн “асар их зарлагатай, бараг ямар ч үр өгөөжгүй” гэж тодорхойсон юм.
Энэ тухай тэрээр өнгөрөгч сард өгсөн ярилцлагадаа өгүүлсэн байсан ч ярилцлага лхагва гарагт л олон нийтийн хүртээл болжээ.
Улмаар ярилцлагад цааш дурдсанаар, Теслагийн Аустин дахь үйлдвэр л гэхэд Хятадын боомт дээр батарейнууд гацсанаас үүдэн тун цөөхөн машин үйлдвэрлэж байгаа гэнэ.
БНХАУ-ын хувьд “0-КОВИД” журмын хүрээнд одоо ч шаардлагатай бүсүүдэд хөл хорио тогтоож байгаа нь тийнхүү гадны компаниуд хийгээд дэлхийн эдийн засагт сөргөөр нөлөөлж байгаа юм.
Улмаар өнгөрөгч гуравдугаар сарын сүүлээс Хятадын эрх баригчид Шанхай хотноо хөл хорио тогтоосон нь Тесла компанид тун хүнд туссан байна. Үйл явдлын хүрээнд Тесла дэлхий даяар нийт ажилтныхаа 3.5 хувийг ажлаас нь халж, цомхотгол хийхээр төлөвлөсөн гэжээ.
Эх сурвалж: BBC