Мьянмар улсад гадаад валютын нөөц хомстож, хилийн чанадаас хөрөнгө оруулалт, тусламж орж ирэх нь багассанаас үүдэн засгийн газраас автомашин, тансаг зэрэглэлийн бүтээгдэхүүний импортыг зогсоожээ.
Улмаар засгийн газраас Вьетнам улсад зохион байгуулагдсан Зүүн өмнөд Азийн наадамд амжилттай оролцсон тамирчдадаа нэгэн сонирхолтой бэлэг гардуулсан нь “Алтан медаль хүртсэн тамирчид автомашин импортлох эрхтэй” болсон байна.
Тус улсын Арилжааны яамнаас мэдээлснээр, энэхүү шийдвэр нь түр зуур л хэрэгжих хэдий ч холбогдох бизнесийн байгууллагуудыг ихээр хохироож байгаа юм. Гэсэн хэдий ч засгийн газраас экспорт, импортынхоо харьцааг тэнцүүлэх үүднээс дээрх арга хэмжээг авчээ.
Тэдний зүгээс автомашин, тансаг зэрэглэлийн бүтээгдэхүүнд хориг тавьснаар байгаа валютын нөөцөө аж үйлдвэрийн бараа материалын импортод зарцуулах нөхцөл бүрдэж байгаа юм.
Эх сурвалж: Nikkei Asia