Газар хөдлөлтийн улмаас олон хүний амь нас, асар их хэмжээний эд хөрөнгийн хохирол амсаад буй Афганистан улсад БНХАУ-ын зүгээс 50 сая юанийн хүмүүнлэгийн яаралтай тусламж үзүүлэхээр шийдсэн тухай тус улсын ГХЯ орон нутгийн цагаар 25-ны өдөр мэдэгдэв.
Уг шийдвэриын хүрээнд Хятадын засгийн газар хохирогчдод майхан, хөнжил, дэвсгэр зэрэг нэн шаардлагатай эд материалыг нийлүүлэх ба хамгийн эхний тусламжийг ирэх 27-ны өдөр хувийн онгоцоор хүргэнэ гэж Хятадын ГХЯ-ны хэвлэлийн төлөөлөгч Ван Вэньбинь цохон тэмдэглэжээ.
Орон нутгийн цагаар 22-ны өдөр Пакистаны хилийн ойролцоох Афганистаны зүүн өмнөд хэсгийн Пактика мужид 5.9 магнитудын хүчтэй газар хөдлөлт болж, 1500 гаруй хүн амь үрэгдэж, 2000 гаруй хүн шархадсан хэмээн Хятадын ГХЯ дурдсан байна.
Эх сурвалж: Yonhap