Даваа гарагт Японы NHK сувгаас мэдээлснээр тус улсын засгийн газар ОХУ-д харьяатай хувь хүн, байгууллагын эсрэг тавьсан хоригоо улам өргөжүүлэх болжээ. Энэ тухай Японы ерөнхий сайд Фумио Кишида ХБНГУ-д зохион байгуулагдаж буй "Их-7" бүлгийн уулзалтын үеэр мэдэгдсэн юм.
Улмаар Япон улсын зүгээс Украин улсад үүсээд буй нөхцөл байдлаас үүдэн Оросын 70 гаруй хувь хүн, хуулийн этгээдийн хөрөнгийг царцааж, Япон улстай батлан хамгаалахын салбарын хүрээнд холбоотой байж болзошгүй Оросын 90 орчим байгууллагыг экспортын хоригт оруулахаар төлөвлөсөн байна.
Дайн эхэлснээс хойш Япон улсын эрх баригчид Оросын эсрэг хэд хэдэн багц хоригийг тавиад байгаа нь Орос, Беларусь, Луганск, Донецкийн нийт 700 гаруй хувь хүн, хуулийн этгээдийг хамарч байгаа юм. Мөн тэдний хоригт Орос, Беларусийн нийт 200 гаруй бизнесийн байгууллага багтжээ.
ХБНГУ-д зохион байгуулагдаж буй “Их-7” бүлгийн уулзалтын хүрээнд гишүүн орнуудын удирдагчид Оросын эсрэг тавих дараагийн хоригийн тухай хэлэлцэж байгаа юм. Тийнхүү Их Британийн талаас мэдээлснээр энэ удаагийн хориг нь Оросын алтны экспортыг хамрах төлөвтэй байгаа гэнэ.
Мөн өнөөдөр буюу даваа гарагт тус бүлгийн уулзалтад Украины ерөнхийлөгч Володимир Зеленський цахимаар оролцох юм.
Эх сурвалж: ТАСС
Nippon Banzai
Их 7 гэх шиг бусад улсын хөгжилыг боомилж ард иргэдийг нь үхүүлж хоосоруулах аргаар хамаг түүхий эдийг нь үнэгүй шахам хусдаг улсууд . Эдгээрийг тахин шүтэж байгаа улс хэзээ ч хөгжил жаргал үзэхгүй . Харин энэ улсын иргэд яаж ядууруулж чадсан гэдэгээ жуулчин маркаар ирж сонирохдог