Газпромын хэвлэлийн төлөөлөгч Сергей Куприяновын даваа гарагт мэдээлснээр, тэд Украины улсын нутаг дэвсгэрээр дамжуулан Европ тивд өдөрт 42.1 сая шоо метр байгалийн хий нийлүүлж байна гэжээ.

Түүний өгүүлснээр, “Зургаадугаар сарын 27-ны өдрийн байдлаар Газпром компани Украины талаас зөвшөөрөл олгосны дагуу тус улсын нутаг дэвсгэрээр дамжуулан Суджа байгалийн хий шахах станцаар Европ тив руу өдөрт 42.1 сая шоо метр байгалийн хий нийлүүлж байна. Сохрановкагийн хий шахах станцаас ямар нэг захиалга ирээгүй” гэсэн юм.

Газпромын хувьд техникийн асуудлаас үүдэн Европ руу нийлүүлэх байгалийн хийгээ ийн бууруулсан бол Европын орнуудын үзэж байгаагаар энэ нь ерөнхийлөгч Владимир Путины байгалийн хийг зэвсгийн хэлбэрээр ашиглаж буй явдал гэнэ. Харин ОХУ-ын талаас мэдэгдэж байгаагаар олон улсаас тавьсан хоригийн арга хэмжээнээс үүдэн тэд Газпромын хийн хоолойн техникийн асуудлыг засварлаж чадахгүй байгаа юм.

Эх сурвалж: ТАСС