Унгар улсын Гадаад хэргийн сайд Петер Сийяртогийн даваа гарагт мэдэгдсэнээр тэд ОХУ-ын байгалийн хийн нийлүүлэлтэд хориг тавих талаах бусад улстай хэлэлцээр хиймээргүй байна гэжээ. Учир нь Оросын хийн нийлүүлэлтийг зогсоох нь тэдний эдийн засагт маш их уршиг дагуулах юм.

Энэ тухайд тэрээр Европын Зөвлөлийн Люксембург улсад зохион байгуулсан тээвэр, харилцаа холбоо, эрчим хүчний тухай хэлэлцээрт оролцохдоо хэлсэн байна.

Түүний өгүүлснээр энэхүү уулзалтад тэр Унгар улс байгалийн хийн хоригийн хүрээнд ямар ч хэлэлцээр хийхгүй гэсэн тодорхой байр суурьтай ирсэн гэсэн юм.

Уулзалтын хүрээнд Европын Холбооноос байгалийн хий худалдан авах хамтарсан платформыг бүтээх тухайд хэлэлцсэн бөгөөд энэ талаар ноён Сийярто, “Европын Холбооноос байгалийн хийн шинэ үүсвэр олохоор хичээж буй явдлыг бид асуудалгүй гэж үзэж байна. Гэхдээ энэхүү ажилд оролцох эсэх нь сайн дурын үндэс дээр тулгуурлах учиртай. Гишүүн орнууд энэхүү платформд нэгдсэнээр ямар нэг үүрэг хариуцлага үүрэх учиргүй” хэмээжээ.

Мөн ноён Сийяртогийн зүгээс Оросоос Европт нийлүүлэх байгалийн хий хэмжээ үнэхээр техникийн асуудлаас үүдэн буурсан эсэхийг нягтлахыг хүсэж, хэрэв тийм бол асуудлыг яаралтай шийдвэрлэх хэрэгтэй гэжээ.

Эх сурвалж: ТАСС