Швейцарын Credit Suisse банк Болгарын мансууруулах бодисын сүлжээтэй холбоотой мөнгө угаасан хэрэгт гэм буруутай нь тогтоогдож, тус банканд торгууль ногдуулжээ.

Тодруулбал, Швейцарын эрүүгийн шүүхээс Credit Suisse банкийг гэмт бүлэглэлийн гишүүд Европт кокайн наймаалж ашиг олохоос хангалттай урьдчилан сэргийлээгүй гэж үзсэн байна.

Тийнхүү шүүхээс банканд нийт 1.7 сая еврогийн торгууль ногдуулж, Швейцарын засгийн газарт 15 сая евро төлөхийг тушаажээ.

Харин Credit Suisse банкнаас өөрсдийгөө буруугүй хэмээж байгаа бөгөөд давж заалдахаа мэдэгдсэн байна.

Түүнчлэн Credit Suisse банканд ажиллаж асан Элена Пампоулова-Бергоми ч хэрэгт холбоотой болох нь тогтоогдож, Эрүүгийн дээд шүүхээс түүнд 20 сар хоригдох болон 1.7 сая еврогийн торгууль төлөх ял оноожээ. Элена Пампоулова-Бергомигийн хувьд өмнө нь Болгар улсыг төлөөлж газрын теннисний спортод хүч сорьж байсан нэгэн юм.

Шүүхээс түүнийг Болгарын бөх Эвелин Баневтай холбоотой байсныг тогтоон тийн ялласан байна. Эвелин Баневын хувьд цагтаа Европ дахь кокайн хууль бусаар наймаалах бүлэгт томоохон байр суурьтай байсан нэгэн юм.

Эх сурвалж: BBC